SIMULIZI: JOHNSON NA MARIA

Ilipoishia Wakati Johnson anaongea na Mzee Joseph akasikia simu yake inaita kucheki alikuwa ni mpenzi wake Maria alipokea ile simu alishangaa kusikia Maria analia

Endelea
Johnson hakuelewa Maria analia nini akabaki anashangaa tu akajua mambo yameshaharibika huko kwao. Akamuuliza "vipi mpenzi mbona unalia nini kimetokea?? Maria akamjibu "yani mpenzi we acha tu hapa nilipo mimi nimechanganyikiwa Baba na Mama wamerudi na habari mpya eti wameniambia wamenitafutia shule Uganda wanataka nikasome kule" Johnson akamwambia "sasa ndio ulie mpenzi mimi nilijua kuna kitu kimetokea kumbe shule we wasikilize wazazi wako wanapenda binti yao usome baadae uwe na maisha mazuri kama wao kama wamekutafutia huko we nenda tu mpenzi" Maria akamuambia Johnson "mpenzi hata wafanyaje mimi Uganda siendi mimi nishakuzoea mpenzi wangu mimi nimeshazoea kuwa karibu na wewe Uganda nikafanye nini hata nikienda huko sitasoma kabisa zaidi ya kuumwa hovyo na kukonda sababu ya kukuwaza wewe" Johnson akamuambia "mimi nipo tu mpenzi ukienda ukirudi utanikuta tumuombe tu Mungu na wazazi wako wameshaamua huwezi kuwapinga na wakijua kuwa unagoma kwenda kwa sababu yangu utaniingiza tena kwenye matatizo" Maria akamwambia "Mpenzi baadae nakuja gengeni kwako tuongee vizuri ila mimi msimamo wangu ndio huo siendi hata kwa dawa huko Uganda" Johnson akamuuliza Maria "Baadae utakuja vipi wakati wazazi wako wamesharudi? Akamjibu "nimewasikia wanaongea hapa kuwa baadae watatoka wakitoka tu na mimi natoka nakuja huko gengeni kwako" Johnson alivyomaliza kuongea na Maria akaguna huku anatingisha kichwa Mzee Joseph akamuuliza "vipi tena kijana wangu kuni nini?

 Johnson:  "naona mpango wetu wa kuanza kuchukua pesa kwa Maria unabuma"          Mzee:  "kwanini unasema hivyo?

Johnson akamsimulia mzee Joseph inshu nzima kama alivyoambiwa na Maria Mzee:  "usiogope kijana kama kweli yule binti anakupenda hawezi kukubali kwenda huko Uganda na wazazi wake hawawezi kumlazimisha kama yeye hataki" Johnson:  "lakini Mzee we huoni kwamba wazazi wake wakija kujua mimi ndio nimesababisha mtoto wao agome kwenda kusoma huko uganda itakuwa majanga kwangu" Mzee:  "acha uoga kijana watajuaje wewe ngoja yule binti aje hapa leo tuongee naye tusikie anasemaje ndio tutajua cha kufanya" Johnson aliongea mambo mengi sana na Mzee Joseph walivyomaliza maongezi yao akaenda zake gengeni kwake. Alikuwa anamsubiria Maria kwa hamu sana aone Mzee Joseph jinsi atakavyompanga alitoa simu yake akampigia Maria akamuuliza yuko wapi Maria akamuambia yupo njiani anakuja gengeni kwake Johnson alifurahi sana kusikia vile muda huo huo akamfuata Mzee Joseph akamuambia ajiandae Maria yupo Njiani anakuja. Hawakukaa hata sana Maria akafika pale gengeni kwa Johnson akamfuata hadi pale walipokaa na mzee Joseph akawasalimia wote wawili na yeye akakaa. Johnson akawa anamuangalia mzee Joseph aone ni jinsi gani atakavyomuingia Maria kuhusu lile swala lake. Mzee Joseph:  "binti umependez sana kweli Johnson anajua kuchagua "

Maria akacheka kusikia vile
Itaendelea...................